Gero eta turista gehiago Mutrikun
![](https://www.mutriku.eus/eu/albisteak/gero-eta-turista-gehiago-mutrikun/@@images/47d235eb-5d9f-4132-a4b0-dc0366b408d1.jpeg)
Ekainetik abuztuaren 15era arteko datuak zabaldu ditu turismo bulegoak. Tarte horretan, guztira, 4.629 bisitari pasa dira bulegotik herriari eta inguruei buruzko informazioa eske. Aurreko urtearekin alderatuz gero, denbora tarte berdinean %5 bistari gehiago egon dira.
Bistari kopurua, baina, asko aldatzen da hilabeteen araberako banaketa eginez gero. Ekainean izan da, dudarik gabe bistari gehien: aurten %59an igo da bistarien kopurua. Uztailean, berriz, %10 igo da. "Tendentzi hau abuztuan apurut egingo delakoan gaude", dio turismo teknikari Martas Amonarrizek. "Lehen hamabostaldian, esaterako, bisitarien kopurua iaz baino %10 txikiagoa izan da".
Bistarien jatorriari dagokionean, datu zehatzak eskaini dituzte. Herritarrei dagokionean, turismo bulegoko zerbitzuak erabili dituztenen kopurua %27 inguru jaitsi da. Bestalde, Bizkaia, Gipuzkoa eta Arabako bisitarien kopuruak igoera xumea izan du: aurten %2 gehiago izan dira. "Arabarren kopurua igo da gehien", zehaztu dute.
Atzerritarren artean, Espainiatik etorritako bisitarien kopuruak ere igoera txikia eduki du, %3koa. "Kataluniarren kopurua gutxitu egin da, baina Madrildik, Valentzitik eta Gaztela-Leondik etorritakoak, berriz, gora egin dute". Gainontzeko herrialdeetatik etorritakoen kopurua izan da gehien igo dena: %20koa izan da igoera. "Hernbeeretakoak, belgikarrak eta alemaniarrak izan dira gorantz egin dutenak".