JUNIOR MAILAKO ATXUKALE TXIRRINDU SARIA BERTAN BEHERA

Mutrikuko Udalaren eta Atxukale Txirrindu Taldearen prentsa-ohar bateratua: Mutrikuko Udal Kirol Zerbitzuek eta Atxukale Txirrindu Taldeak adierazi nahi dugu, herrian martxoaren 11rako programatua genuen Atxukale Txirrindu Saria, junior mailakoa, BERTAN BEHERA geratzen dala, ezin ditugulako bermatu antolakuntzari eskatzen zaizkigun segurtasun neurriak. Proba egin ahal izateko, ezinbestekoa dugu Motoenlazeak parte hartzea, eta hauek egun dituzten aldarrikapen legitimoak errespetatu eta hauekin bat eginez, esku hartzen duten erakundeek arazoa konpondu bitartean, zai egotea besterik ez zaigu geratzen. Mutrikuko Udalak eta Atxukale Txirrindu Taldeak konpromisoa hartzen dugu, probaren segurtasuna bermatu bezain laster, egun berri bat proposatuko dugula, ahal bada 2023. urtean. Eskerrak eman nahi dizkiegu proban hainbeste urtez parte hartu eta parte hartzen duten babesle, laguntzaile eta eragile guztiei. Mutrikun, 2023ko martxoaren 3an.