Basoak zaindu, hobetu eta ugaritzeko dirulaguntza deialdia

Mutrikuko Udalak Gipuzkoako Foru Aldundiak basoak zaindu, hobetu eta ugaritzeko helburuarekin urtero egiten duen dirulaguntza deialdiaren osagarri izango den dirulaguntza deialdia abian da, Mutrikuko basoetan egiten diren landaketak eta mantenu lanak diruz laguntzeko.

Onuradunak.

1. Laguntzak Mutrikun kokatutako baso eta baso azaleretarako emango dira. Dirulaguntza hauek jaso ahal izango dituzte Gipuzkoako Foru Aldundiko 2022 deialdiko dirulaguntzaren onuradunak izandakoek.
2. Era berean, landaketarik egin gabeko lursailetan hazitako espezie autoktonoen mantenua egiten dutenak ere onuradun izango dira.

Dirulaguntza eskatzaileek bete beharreko baldintzak:

1. Gipuzkoako Foru Aldundiaren dirulaguntzaren deialdian onuradun izan direla justifikatzea.
2. Deialdian zehaztutako dokumentazioa aurkeztu beharko dute.
3. Mutrikuko Udalarekiko zorrik ez izatea.
4. Eskaera bakarra onartuko da ustialeku bakoitzeko.

Eskarien aurkezpena eta tramitazioa.
Dirulaguntza eskaera egiteko agiri normalizatu bidez egingo da, zeina Udaletxean eta web orrian egongo den eskuragai apirilaren 11tik aurrera. Eskaerarekin batera, ondorengo agiriak aurkeztu beharko dira:

1. Gipuzkoako Foru Aldundian aurkeztutako dokumentazioa (egingo den jardueraren proiektua, inbertsioaren kostua, fakturak…).
2. Gipuzkoako Foru Aldundian dirulaguntza onartu zaionaren ziurtagiria, eta honen zenbatekoa.
3. Landaketarik egin gabeko lursailetan hazitako espezie autoktonoen mantenua egiten dutenak ondorengo dokumentazioa aurkeztu beharko dute:

1. Ustiategiari buruzko datuak.
2. Aurrekontu sinatua:
1. Itxiturak egiteko material guztien fakturak (sare, txarrantxa, babesle,…) aurkeztu behar dira, eta bertan materialen ezaugarriak eta neurriak azaldu behar dira.
2. Garbiketa kanpoko enpresa batekin egiten bada, haiek emititutako faktura. Aldiz, eskatzaileak burutzen badu garbiketa, erabilitako materialen faktura.
3. Lur zatien planoa.

Eskariak aurkezteko epea.
Eskabideak deialdihau Gipuzkoako ALDIZKARI OFIZIALEAN eta Mutrikuko webgunean argitaratutako egunaren biharamunetik hasita aurkeztu ahal izango dira 15 laneguneko epean.
Ondorioz, maiatzaren 2an amaituko da dirulaguntza eskarien aurkezpena eta tramitazioa egiteko epea.


Oinarriak deskargatzeko egin klik hemen.
Eskaera orria deskargatzeko egin klik hemen.