Euskadiko Trainerilla Txapelketa jokatuko da Mutrikuko uretan asteburuan
![](https://www.mutriku.eus/eu/albisteak/euskadiko-trainerilla-txapelketa-jokatuko-da-mutrikuko-uretan-asteburuan/@@images/ab5af1da-d814-47e6-84af-a9d25cee9b70.jpeg)
Bihar, zapatua, sailkatze estropadak lehiatuko dira eta domekan finalak.
Emakumeen absolutu mailak eta gizonezkoen gazte eta senior mailek hartuko dute parte Mutrikuko proban. Bizkaia eta Gizpuzkoako 16 klubek pate hartuko dute bertan; guztira, 161 arraunlari.
Emakume absolutuetan sei talde arituko dira: Zumaia, Orio, Getxo, Pasai Donibane-Koxtape, Ibaika-Errenteria eta Ondarroa. Gizonezkoei dagokienez, gazte mailan hamabi trainerilla aterako dira uretara: Zumaia, Kaiku, Mundaka, Getxo, Koxtape, San Nikolas-Portugalete, Zarautz, Ibaika, San Pedro, Ondarroa, Elantxobe eta Isuntza. Nagusien mailan, berriz, bost dira parte hartuko duten taldeak: Kaiku, Hondarribia, Zierbana, Pasai Donibane eta Bermeo.
Bihar 16:30ean hasiko da trainerillen arteko norgehiagoka, finala berriz, etzi, 11:00etan izango da portuan.
TESTUA: Mutrikuko Hitza