GPS ikastaroan izena emateko azken eguna domekan da

Burumendik eta Udalak GPS ikastaroa antolatu dute maiatzaren 16- 17 astebururako. Interesatuek domekara arteko epea dute izena eman ahal izateko. Ikastaroa gidatzeko, eskarmentu handia duen pertsona bat aukeratu dute: Karlos Laita.

Ikastaroak aurrera egiteko, gutxienez bost laguneko taldea osatu beharko da; gehienez hamabi laguneko taldea onartuko da. Ikastaroak aurrera egingo balu, ordutegia hopnakoa litzateke: maiatzaren 16an, 09:30etik 13:00etara eta 16:30etik 19:30era (Zabielen); eta maiatzaren 17an, 09:00eetatik 13:00ak arteko (mendibuelta).

Ikastaroaren kostua 40 eurokoa da, baina langabezian daudenei edota Burumendiko bazkideei 30 euro kobratuko zaizkie. "Etxean duenak, GPS-a eta ordenagailua eramatea eskertuko genuke, baina ez da ezinbestekoa", adierazi dute antolatzaileek.

Ikastaroaren edukiak honako hauek izango dira:
•    Gps pantailen erabilera.
•    Datuen konfigurazioa gure irteerak prestatzeko
•    Nabigazio forma ezberdinak eta hauek ikusteko ariketa praktikoak.
•    BaseCamp programa: Topohispania, Topopirineos eta Ibilbideak kartografian. Wikiloc web orrialdea.

Informazio gehiagorako edo izena emateko turismo bulegora joan edo bertara deitu (943-60 33 78) beharko da.