Okelar sariak bertso bazkarian banatuko dira

2012/12/13

Jexux Mari Irazuk eta Arkaitz Estiballesek botatako bertsoek girotuko dute Sato Tomas Eguneko bertso bazkaria; bertso paper sariketako irabazleak bazkalondoan ezagutaraziko dituzte.

Bertso bazkariari lotuta datoz, aurten ere, Okerl Bertso Paper Sariketa irabazleen izenak. Mutrikuko Bertso Eskolak sariak banatzeko modua aldatu egin du; eguna, ordea, ez: abenduaren 22an Santo Tomas feria ospatzen den egun berean egingo dute.

Jexux Mari Irazu eta Arkaitz Estiballes dira egunerako gonbidatutako bertsolariak. Sari banaketa, berriz, bazkal ondoan egingo da.

Bazkaria 15:00etan, Txalaparta tanbernan izango da, eta jada sarrerak erosteko aukera dago. Txartelak Subeltz eta Txalaparta tabernetan eta Iñigo-Belen argazki dendan eskura daitezke: helduek 20 euroren truke eta 18 urte beherakoek eta langabetuek 15 euroren truke.