HONDAKINAK

Mutrikuko Udala eta Debabarrena Eskualdeko Mankomunitatea elkarlanean ari dira udalerrian sortutako hondakinen bilketa eta kudeaketa hobetzeko.

Gaur egun hondakin desberdinak gaika biltzeko edukiontziak daude: papera eta kartoia, ontzi arinak, organikoa, errefusa, beira, etxeko olioa, pilak, arropa eta ehungintza. Azken edukiontzi horretan, zenbait hondakinen berrerabilera bultzatzeko, liburuak, jostailuak, imitaziozko bitxiak eta bazar-hondakinak ere utz daitezke.

Udalerrian 3 garbigune txiki daude etxeko hondakin arriskutsuak botatzeko: bonbillak, aerosolak, erradiografiak, aparatu elektriko txikiak, tonerrak, bateria txikiak, pilak, pintura-poteak, CDak, telefono mugikorrak eta kargagailuak.